Алматы қаласы денсаулық сақтау басқармасы мен «Нобель АФФ» компаниясы меморандумға қол қойды

Алматыда «Алматы Инвест-2018» атты VI халықаралық инвестициялық-инновациялық форумы өтті. Форумға 1000-нан астам жоғары лауазымды қатысушылар қатысты, оның ішінде беделді саясаткерлер, әлемдік және отандық бизнес көшбасшылары, инвестициялық корпорациялардың, қаржы институттары мен халықаралық ұйымдардың басшылары қатысты. Алматы қаласының әкімі Бауыржан Байбек өз сөзінде ел халқының 10% -дан астамы Алматыда, ал Алматы агломерациясымен бірге санағанда 3 млн. адам тұратындығын айтты. Халықаралық кеңесшілердің айтуы бойынша, 2035 жылға қарай халықтың саны 2 есеге артады. Алматыны инвестиция үшін тартымды ететін факторлардың ішінде Бауыржан Байбек адами капиталды, дамыған инфрақұрылымды және қолайлы инвестициялық ахуалды атап өтті.

Форум аясында жеті меморандумға қол қойылды. Алматы қаласы Денсаулық сақтау басқармасы мен Нобел Алматы фармацевтикалық фабрикасы арасында қалада жаңа фармацевтикалық зауыт салу туралы, Өзара түсіністік туралы меморандумға қол қойылды. Меморандум жалпы мүддеге қызмет ететін болады және тиісті денсаулық сақтау міндеттерін тиімді орындауға ықпал етпек.

«Нобель АФФ» АҚ Басқарушы директоры Светлана Кил меморандумға қол қойған кезде, фармацевтика өнеркәсібі ең жоғары технологиялық өндірістердің бірі болып табылады деді. Оның дамуы үшін, адами капитал маңызды, яғни елімізде бар жоғары ғылыми және білім беру әлеуетін білдіреді деген сөз. Алматы фармацевтикалық өнім шығару бойынша Қазақстанның басқа өңірлері арасында жетекші орындарды алады. 2002 жылы «Алматы фармацевтикалық фабрикасыы» Nobel Pharmaceuticals деген компаниялар тобына (Түркия) кірді. Сол кезде алғашқы инвестициялар — өндірісті модернизациялауға және GMP стандарттарын енгізуге салынған еді. 2009 жылы Қазақстан Республикасының үдемелі индустриялық-инновациялық даму бағдарламасы қабылданғаннан кейін Қазақстан Республикасының Үкіметі мен Алматы қаласы әкімдігінің қолдауымен екі қосымша инвестициялық жоба жүзеге асырылып, қолданыстағы өндіріс көлемі кеңейді. Бүгінгі таңда «Нобель Алматы фармацевтикалық Фабрикасы» АҚ бес (5) өндірістік алаңға ие және Қазақстандағы фармацевтикалық нарықта үлесі бойынша алқашқы ондыққа кіреді. Компания экспорт көлемін үнемі арттыруда.

«Жалпы алғанда, бүгінгі таңда біз қол жеткен нәтижелер Алматыдағы жаңа фармацевтикалық зауыттың құрылыс жобасына қайта инвестициялау шешімін қабылдауға шешуші фактор болды. Бұл жоба «ҚАЗАҚ ИНВЕСТ» Ұлттық компаниясы» АҚ,«Атамекен» КҰПжәне Алматы қаласы әкімдігінің қолдауымен жүзеге асырылады», - деп қорытындылады Светлана Киль.