Кәсіпорын Алматы қаласында 10 мың шаршы метрден астам аумақты алып жатыр, мұнда негізгі және қосалқы өндірістік нысандарға, қоймаларға арналған жерлер, сондай-ақ одан әрі даму үшін керек резервтік жерлер бар. Барлық қажетті көліктік және энергетикалық коммуникациялар қолда бар.

«Нобель АФФ» АҚ-да қатты, сұйық және жұмсақ дәрілік заттарды өндіретін арнайы 6 өндірістік цех (бөлім) бар. Өнімдердің жоғары сапасы өндіріс орындарын жоғары технологиялық жабдықпен жабдықтау арқылы қамтамасыз етіледі. Өндіріс өндірістің және қоршаған ортаның қауіпсіздігін қамтамасыз ететін заманауи импорттық жабдықтармен жабдықталған. Өндірістік цехтардағы қазіргі қолда бар технологиялық жабдықтары — Италия, Үндістан, Германия, Швейцария, Түркия, Оңтүстік Кореядағы атақты фирмалардікі.

Қолданылатын технологиялық жабдықтардың жиынтығы әмбебап болып табылады және бұл әртүрлі дәрілік заттарды өндіріп шығаруға мүмкіндік береді. Компанияның бір жылдық өндірістік қуаты 750 млн. таблетка, 250 млн. капсула, 20 млн. сироп пен суспензия флакондары, 10 млн. кремдер мен гельдер түтікшелерін құрайды. Өндірістік процестің барлық сатылары автоматты түрде сынақтан өтеді және микробиологиялық тазалыққа сертификатталады. Аралық және соңғы өнімнің сапасы заманауи аналитикалық жабдықпен жабдықталған компанияның аккредиттелген зертханасында бақыланады. Бүгін «Нобел АФФ» АҚ-ның өнімдерінің ассортименті 300-ге жақын дәрілік заттардан тұрады. Бұл жүрек-қан тамырлары, тыныс алу және жүйке жүйесін, асқазан-ішек жолдарын ауруларын емдеуге арналған, бактерияға қарсы, вирусқа қарсы, зеңге қарсыб қабынуға қарсы, ауыртпайтын, қызуды басатын және тағы басқа дәрілік заттар.

Ұлттық және халықаралық органдармен сертификатталған «Нобель АФФ» АҚ халықаралық стандарттарға сәйкес жұмыс істейді. Компанияда ISO 9001:2015 және ISO 17025 сертификаттары бар, олар «Нобель АФФ» АҚ сапасын растайды. Ұлттық және халықаралық денсаулық сақтау қызметтері фармацевтикалық өндіріс нысандарының сапасына, сондай-ақ фармацевтикалық өнімдердің тиімділігін бақылауға және зерттеуге үлкен көңіл бөлуде. Сондай-ақ, тиісті өндірістік практика (GMP) жоғары стандарттарын анықтайды, фармацевтикалық өнімнің сапасын бағалау туралы мемлекеттік заңға сәйкес сараптама жүргізеді. Нобель АФФ — GMP сертификатын алған Қазақстан Республикасының алғашқы фармацевтикалық өндірушілерінің бірі.